ئەندامانی ئەنجوومەنی وەزیرانی عێراق ئەم مانگە مووچە وەرناگرن

ئاڤا نیوز

 

ئەنجوومەنی وەزیرانی عێراق مووچەی یەک مانگی ئەندامانی خۆی تەرخانکردووە بۆ هاوکاریکردنی خەڵکی لوبنان و غەززە، بۆ ئەو مەبەستەش دوو هەژماری بانکی دەکاتەوە.

 

وێنە گەورەکە: بەهۆی پەرەسەندنی شەڕی نێوان سوپای ئیسرائیل و حیزبوڵڵای لوبنانی و حەماسی فەلەستین، تاوەکو ئێستا سەدان کەس کوژراون و بریندار بوونە، هەزاران کەسی دیکەش ئاوارە بوون.

 

ڕاگه‌یێنراوی فه‌رمی: نووسینگەی ڕاگەیاندنی سەرۆکوەزیرانی عێراق بڵاوی کردەوە: بۆ هاوکاریکردنی هاووڵاتیانی غەززە و لوبنان، حکومەتی عێراق دوو هەژماری لەبانکی TBI کردووەتەوە.

 

زانیاریی زیاتر: ڕاگەیاندنی سەرۆکوەزیرانی عێراق ئاماژەی بەوەشکرد، ئەم دوو هەژمارە لەلایەن فەرمانگەی چاودێری دارایی فیدراڵییەوە وردبینی بەردەوامیان بۆ دەکرێت.