لە هێرشێکی ئیسرائیل لە غەززە 30 کەس کوژران

ئاڤا نیوز

 

ئیسرائیل بەردەوامە لە ئۆپەراسیۆنە سەربازییەکانی بۆ سەر کەرتی غەززە و لەو چوارچێوەیەشدا هێرشێکی ئاسمانیی کردە سەر ژمارەیەک خانوو لە ناوچەی جەبالیا لە کەرتی غەززە  و لانیکەم 30 کەس کوژران.

 

لێدوانی فەرمی: مەحموود بەسەل، گوتەبێژی بەرگریی شارستانیی غەززە ڕایگەیاند: "ئەمە کۆمەڵكوژییەکی دیکەی ئیسرائیلی داگیرکەرە؛ سوپای ئیسرائیل چەند ماڵێکی لە ناوچەی جەبالیا بەلەد بەئامانج گرتوون."

 

ئەمەش بزانە: ناوچەی جەبالیا لەلایەن ئیسرائیلەوە گەمارۆ دراوە و ڕێگە بە دەرچوونی دانیشتووانەکەی نادرێت و بۆردوومانیش دەکرێن. تەنیا لەم هێرشەدا چوار خانوو بۆردوومان کراون. 

 

باکگراوند: سەرەڕای سەرکۆنە و نیگەرانییە نێودەوڵەتییەکان، بەڵام ئیسرائیل لە بۆردوومانکردنی ناوچە مەدەنییەکانی کەرتی غەززە بەردەوامە و بەهۆی ئەم هێرشانەوە لەسەرەتای لەشکرکێشی ئیسرائیل بۆ سەر کەرتی غەززە تاوەکو ئێستا 42 هەزار و 175 کەس کوژراون و نزیکەی 100 هەزار کەسی دیکەش بریندار بوون.