وەزیری شارەوانی وادەی دابەشكردنی زەویی فەرمانبەران ئاشكرا دەكات

ئاڤا نیوز

 

وەزیری شارەوانی و گەشتوگوزاری حكومەتی هەرێمی كوردستان ئاشكرای دەكات لە چەند ڕۆژی داهاتوو دەست بە دابەشكردنی زەویی فەرمانبەران دەكرێت.

 

وێنە گەورەكە: بەفەرمانی سەرۆكوەزیران مەسرور بارزانی، زەوی بەسەر سەرجەم ئەو فەرمانبەرانە دابەش دەكرێت كە تاوەكو ئێستا سوودمەند نەبوون، وەزارەتی شارەوانی و گەشتوگوزاری حكومەتی هەرێمی كوردستانیش سەرقاڵی ئامادەكارییەكانە بۆ دەستپێكردن بە پرۆسەكە.

 

لێدوانی فەرمی: ساسان عەونی، وەزیری شارەوانی و گەشتوگوزار بە ئاڤای ڕاگەیاند: ئێستا لە دواهەنگاوەكانی پرۆسەی دابەشكردنی زەویی فەرمانبەرانین، لەو شارەوانییانەی كە سەرجەم ئامادەكارییەكان كراون، كارە هونەرییەكانیان ئەنجام داوە و زەوی و نەخشەیان ئامادەیە، لە چەند ڕۆژی داهاتوو پرۆسەی دابەشكردنەكە دەستپێدەكات.

 

لەلایەكی دیكەوە: پرۆسەی دابەشكردنەكە سەرەتا لە زاخۆ و دهۆك و هەولێر دەستپێدەكات و لە شاری سۆرانیش ئامادەكارییەكان گەیشتوونەتە قۆناغەكانی كۆتایی.