بەردی بناغەی ژمارەیەک پرۆژە بۆ گەڕەکی باغلومنارە دادەنرێت

ئاڤا نیوز

 

بەردی بناغەی ژمارەیەک پرۆژەی خزمەتگوزاری بۆ گەڕەکی باغلومنارە دانرا، سەرۆکی شارەوانی هەولێریش دەڵێت "هەر ئەمڕۆ دەست بە جێبەجێکردنی پرۆژەکان کرا".

 

لێدوانی فەرمی: کارزان هادی، سەرۆکی شارەوانی هەولێر، بە ئاڤا نیوزی ڕاگەیاند: ئەمڕۆ چوارشەممە بەردی بناغەی پرۆژە خزمەتگوزارییەکانی وەک قیرتاوکردنی شەقامی سەرەکی 60 مەتری و کاری خۆڵکاری و تێکەڵە و لێدانی کربستۆن و ئاو و ئاوەڕۆمان بۆ گەڕەکی باغلومنارە دانا، ڕاستەوخۆ دەست بە جێبەجێکردنیان کرا.

 

زانیاریی زیاتر: تێچووی پرۆژەکە 25 ملیار دینارە، بەڵام هەندێک ڕێکاری پێویست ماوە بۆ دیاریکردنی ماوەی پرۆژەکان.

 

ئەوەی پێویستە بیزانیت: گەڕەکی باغلومنارە دەکەوێتە باشووری ڕۆژئاوای هەولێر و یەکێکە لە گەڕەکە نوێیەکانی شارەکە.