کۆریای باکوور سەربازی زیاتر ڕەوانەی ڕووسیا دەکات

ئاڤا نیوز

 

لە درێژەی هاوکارییە سەربازییەکانی، کۆریای باکوور 1500 سەربازی دیکە ڕەوانەی ڕووسیا دەکات.

 

وێنە گەورەکە: کۆریای باکوور و ڕووسیا لە دوو ساڵی ڕابردوودا هاوکارییەکانی نێوانیان بەشێوەیەکی بەرچاو زیاتر کردووە، هەردوو وڵات پەیمانێکی بەرگریی بەهێزیان واژۆ کردووە بۆ دابینکردنی هەموو پێداویستییە سەربازییەکان لە ئەگەری هێرشی وڵاتانی تر بۆ سەر وڵاتەکانیان.

 

لێدوانی فەرمی: چۆ تای یۆنگ، بەڕێوبەری دەزگای هەواڵگریی نیشتیمانی کۆریای باشوور ڕایگەیاند: کۆریای باکوور 1500 سەربازی دیکە ڕەوانەی ڕووسیا دەکات بۆ پشتیوانیکردنی لە شەڕی دژی ئۆکراینا. هاوکات پلانیشی هەیە تا کۆتایی ئەمساڵ 10 هەزار سەربازی دیکە ڕەوانەی ڕووسیا بکات.

 

زانیاریی زیاتر: لە ماوەی دوو مانگی ڕابردوودا کۆریای باکوور  زیاتر لە 13 هەزار تۆپ و مووشەک و چەکی دیکەی بۆ ڕووسیا ناردووە بۆ پڕکردنەوەی کەمی چەکی ڕووسیا.