لێپرسینەوە لە براكەی جۆ بایدن دەكرێت

ئاڤا نیوز

لە چوارچێوەی لێكۆڵینەوە لە سەرۆكی ئەمریكا، ئەمرۆ یەكەمین دانیشتنی لێكۆڵینەوە لە براكەی جۆ بایدن بەشێوەیەكی داخراو دوور لە چاوی كامێران دەستیپێكرد.

وێنە گەورەكە: بەتۆمەتی خراپ بەكارهێنانی دەسەڵات، بڕیارە لێپرسینەوە لەگەڵ جۆ بایدن بكرێت، هەر لەو چوارچێوەیەشدا لێكۆڵینەوە لە براكەی جۆ بایدن دەكرێت.

ئەوەی پێویستە بیزانیت: کۆمارییەکان لە ئەنجوومەنی نوێنەرانی ئەمریکا بایدنیان تۆمەتبار کردووە بەوەی کە لە ماوەی جێگری سەرۆکایەتیدا لەگەڵ جەیمسی برای و کوڕەكەیدا مامەڵەی بازرگانی و گەندەڵي کردووە.

زانیاریی زیاتر: بڕیار بوو ڕۆژی چوارشەممە، جەیمس بایدنی تەمەن 74 ساڵ لێپرسینەوەی لەگەڵدا بکرێت، سەبارەت بە مامەڵە داراییەکانی پێشوو و گەڕاندنەوەی قەرزەکان.

کۆمارییەکان سەرنجیان لەسەر هانتەر بایدنی کوڕی سەرۆک کۆمار بووە لە سەردەمی باراک ئۆبامادا و دەڵێن "ناوی باوکی بەکارهێناوە لەکاتێکدا جێگری سەرۆک بووە بۆ ئەوەی خۆی دەوڵەمەند بکات بە گرێبەستە بازرگانییەكان لەگەڵ  ئۆکرانیا و چین".