یەکێتیی ئەوروپا داوای هێورکردنەوەی گرژییەکانی نێوان ئیسرائیل و ئێران دەکات

ئاڤا نیوز

 

یەکێتیی ئەوروپا داوا لە ئیسرائیل و ئێران دەکات دان بەخۆیادا بگرن و ڕێگە نەدەن گرژییەکان بگۆڕدرێن بۆ شەڕێکی ناوچەیی گەورە. 

 

وێنە گەورەکە: ئیسرائیل لە تۆڵەی هێرشەکانی ئێران بۆ سەر تەلئەڤیڤ، بەرەبەیانی ئەمڕۆ شەممە هێرشێکی ئاسمانی کردە سەر هەندێک بنکەی سەربازیی ئێران، ئەوەش کاردنەوەی نێودەوەڵەتیی لێکەوتەوە. 

 

ڕاگەیێندراوی فەرمی: یەکێتیی ئەورووپا سەبارەت بە ئاڵۆزییەکانی نێوان ئیسرائیل و ئێران ڕایگەیاند: "هێرشەکانی ئەو دوو وڵاتە بۆ سەر یەکتری دەبێتە هۆی جەنگێکی فراوان کە دەبێت ڕێگری لێی بکرێت". 

 

لەلایەکی دیکەوە: سەرەڕای ئەوەی یەکێتیی ئەوروپا داوا لە لایەنەکان دەکات دۆخەکە هێور بکەنەوە، پشتگیری ئیسرائیلیش دەکات و دەڵێت مافی خۆیەتی بەرگری لە خۆی بکات.