ئێسکەپەیکەری دایناسۆرێک لە زیادکردنێکی ئاشکرا بە 11 ملیۆن دۆلار دەفرۆشرێت

ئاڤا نیوز

پێشبینی دەکرێت ئێسکەپەیکەری دایناسۆرێکی تەمەن 145 ملیۆن ساڵ لە فەرەنسا لە زیادکردنی ئاشکرادا بە 11 ملیۆن دۆلار بفرۆشرێت.

 

چیرۆکی سەرەکی: ئەم دایناسۆرە زەبەلاحە ناوی ڤۆلکانە، گەورەترین ئێسکەپەیکەری دایناسۆرە کە تائێستا بخرێتە زیادکردنی ئاشکراوە بۆ فرۆشتن.

 

ژمارەکان وادەڵێن: زانایان دەڵێن، تەمەنی دایناسۆرەکە بۆ 145 ملیۆن ساڵ لەمەوبەر دەگەڕێتەوە، درێژییەکەی 67 پێ واتە 20.5 مەترە. بەگوێرەی درێژییەکەی بێت، گریمانەی ئەوەی دەکرێت کێشی دایناسۆرەکە لە نێوان 20 بۆ 30 تۆن بووبێت.

 
زانیاریی زیاتر: ڤولکان لە ساڵی 2018  لە ویلایەتی وایۆمینگ لە ئەمریکا دۆزرایەوە. لێکۆڵینەوە لە هەموو بەشەکانی ئەو دایناسۆرە زەبەلاحە سێ ساڵی خایاند، پاشان بۆ نۆژەنکردنەوە ڕەوانەی ئەوروپا کرا.

 

ئەوەی پێویستە بیزانیت: لە سەرەتادا بەهای دایناسۆرەکە بە چوار بۆ شەش ملیۆن دۆلار مەزەندە دەکرا. بەڵام ئێستا شارەزایان پێشبینی دەکەن لانیکەم   بەهای ئێسکەپەیکەرەکە 11 ملیۆن دۆلار بێت.