بەرنامەی خۆری ئاڤای هەژان هێرش پاڵێوراوی قۆناغی کۆتایی خەڵاتی دیجیدەی ئەمریکییە

ئاڤا نیوز 

 

بەرنامەی خۆری ئاڤا لە ئاڤا میدیا پاڵێوراوە بۆ  خەڵاتی ساڵانەی دیجیدەی ئەمریکی بۆ میدیای داهێنەر و دروستکردنی گۆرانکاریی باش لە کۆمەڵگە و ڕۆژی سێشەممەی داهاتوو براوەی خەڵاتەکە دەستنیشان دەکرێت. 

 

ئەوەی ئێستا ڕوودەدات: ئاڤا میدیا وەک تاکە میدیای کوردی بە بەرنامەی خۆری ئاڤا وەک باشترین بەرنامە لە میدیای کوردی پاڵێوراوە بۆ خەڵاتەکە هاوشانی دەزگا نێودەوڵەتییەکان. ڕۆژی سێشەممەی داهاتووش براوەی خەڵاتەکە دیاری دەکرێت. 

 

ئەوەی پێویستە بیزانیت: دیجیدەی دامەزراوەیەکی ئەمریکییە لە شاری نیویۆرک، ساڵانە خەڵاتەکانی پێشکەشی باشترین ئەو دەزگا میدیایانە دەکات کە داهێنانیان لە بوارەکەیاندا کردووە، کارێکیان پێشکەش کردووە پێشتر نەکرابێت و نەبینرابێت و کاریگەری باشیان لەسەر کۆمەڵگە هەبووبێت.

زانیاریی زیاتر: لە جیهاندا ئەمساڵ ئەوانەی گەیشتوونەتە قۆناغی کۆتایی ئەوانەبوون کە بە کەمپینەکانیان چارەسەری کێشەی کۆمەڵگەیان کردووە و هاوکارییان پێشکەشی خەڵک کردووە. هەروەها چیرۆک بەکاردێنن بۆ گۆڕینی ڕای خەڵک و هاندانیان بۆ ئەنجامدانی گۆڕانکاری.

 

باکگراوند: بەرنامەی خۆری ئاڤا کە لە مانگی ڕەمەزانی پیرۆزدا لەلایەن هەژان هێرش ئەستێرەی ئاڤا میدیا پێشکەش دەکرا دەزگای خێرخوازیی حاجی ئیدریس سورچی سپۆنسەری دەکرد، پاڵێوراوی یەکەمە بۆ خەڵاتی دیجیدەی ئەمریکی لە بواری کاری باشەی خزمەتکردنی کۆمەڵگە.