حەشارگەیەکی داعش لە سنووری کەرکووک بۆردوومان دەکرێت

ئاڤا نیوز

 

لە زنجیرە چیای حەمرین، هێزە ئەمنییەکانی عێراق حەشارگەیەکی داعش بە فڕۆکەی F16 بۆردوومان دەکەن، کە وەکو شوێنی مانەوەی چەکدارانی داعش بەکارهێنراوە. 

 

وێنە گەورەکە: هەرچەندە حەوت ساڵ بەسەر کۆتاییهاتنی ڕێکخراوی داعش لە عێراق تێدەپەڕێت، بەڵام تائێستا شانە نوستووەکانی ڕێکخراوەکە جار جار هێزە ئەمنییەکان و هاووڵاتییانی مەدەنی بەئامانج دەگرن.

 

ڕاگەیێنراوی فەرمی: شانەی ڕاگەیاندنی ئەمنیی عێراق بڵاویکردەوە، لە چوارچێوەی کێوماڵکردنی شوێنە سەختەکان کە گوومان دەکرێت شانە نوستووەکانی داعش خۆیانی تێدا حەشار بدەن، دوای کۆکردنەوەی زانیاریی هەواڵگری پێگەیەکی چەکدارانی ئەو ڕێکخراوە لە باشووری کەرکووک بە فڕۆکەی F_16 کراوەتە ئامانج.

 

هەر لە درێژەی ڕاگەیێنراوەکەدا ئەوەش خراوەتەڕوو، ئەو حەشارگەیەی کراوەتە ئامانج کەوتووەتە ناو کەرتی فەرماندەیی ئۆپەراسیۆنەکانی کەرکووک، لەکاتی بۆردوومانەکەشدا ژمارەیەک چەکداری داعش لەو شوێنە بوون.