سەرۆكوەزیران مەسرور بارزانی و سه‌رۆكى هاوپه‌يمانيى عه‌زم كۆبوونەوە

ئاڤا نیوز

 

سەرۆكوەزیران مەسرور بارزانی و موسەننا ئەلسامەرائی، پەرلەمانتاری عێراق و سەرۆكی هاوپەیمانیی عەزم كۆبوونەوە و چارەسەركردنی كێشەكانی نێوان هەولێر و بەغدایان تاووتوێ كرد.

 

وێنە گەورەكە: ئەمڕۆ چوارشەممە 30-10-2024، سەرۆكوەزیران مەسرور بارزانی، پێشوازیی لە موسەننا سامەرائی، سەرۆكی هاوپەیمانیی عەزم كرد.

 

ڕاگەیێنراوی فەرمی: بەپێی ڕاگەیێنراوێكی حكومەتی هەرێمی كوردستان، لە دیدارەکەدا بیروڕا لەبارەی دۆخى گشتيى و په‌يوه‌ندييه‌كانى هەرێمی کوردستان و حکومەتی فیدراڵ ئاڵوگۆر کرا.

 

زانیاریی زیاتر: سه‌رۆكى هاوپه‌يمانيى عه‌زم ، پیرۆزبایی سەرکەوتنی هەڵبژاردنی پەرلەمانی کوردستانی لە سەرۆكوەزیران مەسرور بارزانی کرد کە پرۆسەیەکی دیموکراسییانەی سەرکەوتوو بوو.

 

ئەوەش بزانە: لە بەشێکی دیکەی دیدارەکەدا، جەخت لە گرنگیی چارەسەرکردنی کێشەکانی هه‌رێمى كوردستان و حکومەتی فيدراڵ لە سەر بنەمای دەستوور و ڕێککەوتنەکان کرایەوە.