گەڕی دووەمی دەنگدان بۆ هەڵبژاردنی سەرۆکی پەرلەمانی عێراق کۆتاییهات

ئاڤا نیوز

 

گەڕی دووەمی دەنگدان بۆ سەرۆکی پەرلەمانی عێراق بە بەشداریی 269 پەرلەمانتار کۆتاییهات و مەحموود مەشهەدانی و سالم عیساوی ڕکابەری دەکەن.

چیرۆکی سەرەکی: بەهۆی ئەوەی هیچ یەکێک لە چوار کاندیدەکە ( سالم عیساوی، مەحموود مەشهەدانی، عامر عەبدولجەبار و تەڵاڵ زەوبەعی {کشاوەتەوە}) دەنگی پێویستیان نەهێنا، دەنگدان بۆ هەڵبژاردنی سەرۆکی پەرلەمانی عێراق کەوتە گەڕی دووەم.

ئەوەی پێویستە بیزانیت: دوای نزیکەی ساڵێک لە دوورخستنەوەی محەممەد حەلبووسی، ئێوارەی ئەمڕۆ پەرلەمانی عێراق بۆ هەڵبژاردنی سەرۆکێکی نوێ کۆبووەوە، پرۆسەی دەنگدان بەڕێوەچوو و 271 پەرلەمانتار بەشداریی دەنگدانیان کرد، بەڵام هیچ کاندیدێک نەیتوانی دەنگی پێویست واتە 166 دەنگ بەدەست بهێنێت.

 

 زانیاریی زیاتر: لە گەڕی دووەم تەنها دوو کاندید کە زۆرینەی دەنگیان هێنابوو (مەحموود مەشهەدانی 153 دەنگ و سالم عیساوی 95 دەنگ) مانەوە و پێویستە یەکێکیان  50+1 دەنگ بهێنێت.