لە پاکستان لە هێرشێکدا بۆ سەر پاسەوانانی تیمێکی پزیشکیی حەوت کەس کوژران

ئاڤا نیوز

 

لە شاری ماستونگ لە پارێزگای بەلوچستان لە پاکستان هێرشێک کرایە سەر ژمارەیەک پۆلیس و بە هۆیەوە لانیکەم حەوت کەس کوژران.

 

چیرۆکی سەرەکی: هێرشەکە بە بۆمب کراوە و هێزێکی پۆلیسی کردووتە ئامانج کە پارێزگارییان لە تیمێکی پزیشکیی کردووە کە سەرقاڵی کوتانی منداڵان بوون بە پێکوتەی دژ بە ئیفلیجی منداڵان کە لەو وڵاتە بەربڵاوە.

 

زانیاریی زیاتر: بە گوتەی پۆلیسی بەلوچستان، لەناو کوژراوەکاندا پێنج منداڵ، ئەفسەرێکی پۆلیس و دوکاندارێک هەن.

 

ئەوەی پێویستە بیزانیت: تائێستا هیچ کەس و لایەنێک بەرپرسیارێتی هێرشەکەی نەگرتووەتە ئەستۆ.