هەڵوێستی پێکهاتەکان لەبارەی کابینەی دەیەمی حکومەتی هەرێمی کوردستان

 ئاڤا نیوز

حزب و هاوپەیمانێتی پێکهاتەکان لە هەرێمی کوردستان لە گفتوگۆ و کۆبوونەوەدان بۆ بەشداریکردن لە کابینەی 10ـیەمی  حکومەتی هەرێمی کوردستان بەشێکیان خۆیان یەکلایکردووەتەوە و بڕیاری بەشداریاکردنیان داوە و داوای پۆستی باڵا دەکەن.

 

وێنە گەورەکە: لە هەرێمی کوردستان پێکەوەژیان ئەزموونێکی سەرکەوتوو بووە بەتایبەت لە کابینەی نۆیەمدا  پێکهاتەکان چاویان لەوەیە درێژە بەو ئەزموونە بدرێت و بەشداری بکەن لە کابینەی دەیەمی حکومەتی هەرێمی کوردستان.

 

لێدوانی فەرمی: مونا قەهوەچی، کاندیدی دەرچوو و جێگری سەرۆکی پارتی چاکسازی تورکمان دەڵێت: بەشداری پکهێنانی کابینەی 10ـیەم دەکەین و پێدانی پۆست لە پەرلەمان و حکومەت بەمافی خۆمان دەزانن.

 

لەلایەکی دیکەوە: ئایدن مەعرۆف، ئەندامی مەکتەبی سیاسی بەرەی تورکمانی عێراقی و وەزیری هەرێم بۆ کاروباری پێکهاتەکان بە ئاڤا میدیای ڕاگەیاند:  لە کابینەی نۆیەمی حکومەتی هەرێمی کوردستان مافی پێکهاتەکان پارێزراو بووە و بەرگرییان لێکراوە،  لەبەر ئەوە داواکارین لە کابینەی داهاتوو گرنگی زیاتر بە پێکهاتەکان بدرێت و بێبەش نەکرێن لە پۆستە وەزارییەکان.

 

زانیاریی زیاتر: بەرەی تورکمانی عێراقی و پارتی چاکسازی تورکمان داوای دوو وەزارەت و پۆستێکی باڵا لە سەرۆکایەتی هەرێم دەکەن و بەمافی خۆیان دەزانن.