لە سلێمانی دووەم ڕاکردنی زیندانییان ڕووی دا

ئاڤا نیوز

لە سلێمانی دووەم حاڵەتی ڕاکردنی زیندانییان لە ماوەی هەفتەیەکدا ڕووی دا، ئەمجارە دوو سزادراو بوون کە بەماددەی تیرۆر گیرابوون.

چیرۆکی سەرەکی: ڕۆژی سێشەممە 5-11-2025، دوو سزادراو لە دادگای سلێمانی ڕایان کردووە، دوای ماوەیەکی کەم لەلایەن هێزە ئەمنییەکانەوە دەستگیرکراونەتەوە، ئێستاش هەردووکیان لە ژووری تاکەکەسین و لێکۆڵینەوەیان لەگەڵدا دەکرێت.

زانیاریی زایاتر: ئاڤا نیوز زانیویەتی زیندانییەکان ناویان جیهاد محەممەد  و عادل محەممەدە و خەڵکی قەزای سەیدسادقن، دوو سزای لەسێدارەدان و 20 ساڵ سزای زیندانیکردنیان هەبووە.

لەلایەکی دیکەوە: چاکسازی گەورانی سلێمانی ڕەتی دەکاتەوە هیچ سزادراوێک ڕایکردبێت.

باکگراوند: ڕۆژی 31-10-2024، لە زیندانی چاکسازیی گەورانی سلێمانی، زیندانییەکی خەڵکی کەلار  بە ناوی (ک) و لەدایکبووی ساڵی 1997بە هاوکاری سێ برای و خەزووری برایەکی لە زیندان ڕایکرد و تاوەکو ئێستاش دەستگیرنەکراوەتەوە.