ئەردۆغان سەردانی سعودیە دەکات

ئاڤا نیوز

 

سبەی دووشەممە بەمەبەستی بەشدارییکردن لە کۆبوونەوەی لووتکەی ڕێکخراوی وڵاتانی ئیسلامیی ڕەجەب تەیب ئەردۆغان، سەرۆککۆماری تورکیا لەگەڵ ئاڵپارسلان بایراکتار، وەزیری وزەی تورکیا و هاکان فیدان وەزیری دەرەوە سەردانی سعودیە دەکەن.

بۆچی گرنگە: بۆ بەشداریکردن لە کۆبوونەوەی لووتکەی ڕێکخراوی وڵاتانی ئیسلامیی، تاوتوێکردنی گرنگترین پێشهاتەکانی ناوچەکە بە تایبەت هێرشەکانی ئیسرائیل بۆ سەر کەرتی غەززە کە زیاتر لە ساڵێکە بەردەوامە و چەند پرسێكی دیکە، سبەی دووشەممە سەرۆککۆماری تورکیا سەردانی ڕیاز دەکات.

 

زانیاریی بەدەستهاتوو: ئاڵپارسلان بایراکتار، وەزیری وزەی تورکیا بە سی ئێن ئێن تورکی ڕاگەیاند، ''کە ڕەجەب تەیب ئەردۆغان ڕۆژی دووشەممە سەردانی سعودیە دەکات بەمەبەستی بەشداریکردن لە لووتکەی ئیسلامی عەرەبی''.

 

ئەمەش بزانە: ڕێکخراوی وڵاتانی ئیسلامیی یان ڕێکخراوی هاوکاریی ئیسلامیی لە ساڵی 1969 لە ڕیاز دامەزراوە و 57 وڵاتی ئیسلامیی تێیدا ئەندامن.