بەهۆی قەرباڵغییەوە 60% ی عێراقییەکانی توشی فشاری دەروونی بوون

ئاڤا نیوز

 

ناوەندێکی مافەکانی مرۆڤ دەڵێت، قەرەباڵغی هاتووچۆ لە شەقامەکانی عێراق جگە لەوەی هۆکاری پیسبوونی ژینگەیە، خەڵکیشی تووشی کێشەی دەروونی کردووە، هەموو ئەعسابیان فول ئەبێت.

 

وێنە گەورەکە: بەگوێرەی ئامارە فەرمییەکان لە عێراق زیاتر لە هەشت ملیۆن ئۆتۆمبێل هەیە و لەهەر پێنج کەسێک، یەکێکیان خاوەن ئۆتۆمبێلە، پێشبینیش دەکرێت لە شەش ساڵی داهاتوودا ژمارەکە بگاتە 10 ملیۆن ئۆتۆمبێل.

لێدوانی فەرمی: فازڵ غەراوی، سەرۆکی ناوەندی ستراتیژی بۆ  مافەکانی مرۆڤ دەڵێت،  قەرەباڵغی هاتووچۆ لە هەندێک لە شارەکانی عێراق لەکاتەکانی دەوامدا گەیشتووەتە لەسەدا 200%ـی پێوەرە ئاساییەکان، لەوانەش شەقامەکانی بەغدا کە لەکاتی دەوامدا دەتوانێت 300 هەزار ئۆتۆمبێل لەخۆبگرێت، بەڵام لەو کاتانەدا ملیۆنێک ئۆتۆمبێل لەسەر شەقامەکانن.

ئەوەی پێویستە بیزانیت: بەهۆی قەرباڵغییەوە 60% ی عێراقییەکانی توشی فشاری دەروونی بوون، بۆیە بۆ چارەسەرکردنی ئەو کێشەیە بەپێویست دەزانرێت گواستنەوەی گشتی چالاکتر بکرێت و  ئەو ئۆتۆمبێلانەشی مۆدێلیان پێش ساڵی 2021ـە، هەڵوەشێنرێنەوە و چیتر ڕێگە نەدرێت بەکاربهێنرێن.

لەلایەکی دیکەوە: فازڵ غەراوی، پێشنیاز دەکات ڕێگای بازنەیی خێرا لە هەموو پارێزگاکان دروستبکرێت، شاری نوێ لەدەرەوەی ناوەندی شارە گەورەکان بونیاد بنرێن، هاوکات دووبارە کار بە سیستمی ژمارەی تاک و جوتی ئۆتۆمبێل بۆ هاتنەسەر شەقامەکان بکرێت، بەردەوامی بە دروستکردنی ڕێگا و تونێلی نوێ بدرێت و پارێزگاکانیش بە ڕێگای نێودەوڵەتی و بەگوێرەی پێوەری جیهانی پێکەوە ببەسترێنەوە.