ئەنجامی سەرژمێری کاریگەری لەسەر دابەزینی هەژموونی سیاسی کەمینەکان دەبێت

ئاڤا نیوز

 

بەپێی ڕاپۆرتێکی ئاژانسی ئەسۆشیەتد پرێسی ئەمریکی، پێشبینی دەکرێت ئەنجامەکانی سەرژمێری کاریگەرییەکی بەرچاوی لەسەر دابەشکردنی سەرچاوەکان و تەرخانکردنی بودجە و پلاندانانی گەشەپێدان لە عێراقدا هەبێت.

 

وێنە گەورەکە: دوای دەیان ساڵ هەرێمی کوردستان و عێراق یەکەم سەرژمێری سەرتاسەری بەخۆیەوە بینی، بە ئامانجی نوێکردنەوە و کۆکردنەوەی داتاکان و پلاندانان لە وڵاتێکدا کە ماوەیەکی زۆرە ناکۆکی و دابەشبوونی سیاسی بەخۆیەوە بینیوە.

 

بڵاوکراوەی فەرمی: بەپێی ڕاپۆرتەکە، کەمینەکان ترسیان لەوە هەیە کەمبوونەوەی ژمارەیان ببێتە هۆی کەمبوونەوەی کاریگەریی سیاسی و سوودی ئابووری کەمتر لە سیستەمی دابەشکردنی دەسەڵاتی تائیفی لە وڵات.

 

زانیاریی زیاتر: ئەوەش هاتووە، سەرژمێری لە شارەکانی وەک کەرکووک و دیالە و موسڵ کە ناوچەی جێناکۆکی لەسەرن لە نێوان حکومەتی ناوەندی بەغدا و حکومەتی هەرێمی کوردستان وردبینییەکی چڕوپڕی بەخۆیەوە بینیوە.

 

لێدوانی فەرمی: عەلی عریان ساڵح،  بەڕێوەبەری جێبەجێکاری فەرمانگەی ئامار لە وەزارەتی پلاندانان ئەوەی بە ئاژانسەکە ڕاگەیاندووە، ئاوارەکانی ناوخۆ بەهۆی ساڵانی جەنگەوە لەو ناوچانەی لێی نیشتەجێن ئەژمار دەکرێن نەک لە کۆمەڵگە ڕەسەنەکانیان.