وەزارەتی كارەبا: لە ڕۆژانی پشووی سەرژمێری 22 كاتژمێر كارەبا دراوە

ئاڤا نیوز

 

وەزارەتی كارەبای حكومەتی هەرێمی كوردستان ئاشكرای دەكات، لە دوو ڕۆژی پرۆسەی سەرژمێریدا 22 كاتژمێر كارەبای نیشتمانی بە هاوبەشان دراوە.

 

ڕاگەیێنراوی فەرمی: بەڕێوەبەرایەتیی كۆنتڕۆڵی كارەبای هەرێمی كوردستان ڕایگەیاند: پلانی دابەشكردنی كارەبا لە هەردوو ڕۆژی سەرژمێری لەڕێگەی بەرێوەبەرایەتیی كۆنترۆڵی كارەبای هەرێمی كوردستان و بە هەماهەنگی لەگەڵ بەڕێوەبەرایەتیی كۆنترۆڵی شارەكان جێبەجێ كراوە، لەو ماوەیەدا ڕۆژانە 22 كاتژمێر كارەبا بە هاوبەشان دراوە.

 

لەلایەكی دیكەوە: بەپێی ڕاگەیێنراوی بەڕێوەبەرایەتیی كۆنتڕۆڵی كارەبای هەرێمی كوردستان لەو دوو ڕۆژەدا زیاتر لە حەوت هەزار فەرمانبەری ئێشكگری كارەبا بۆ چارەسەركردنی هەر گرفتێكی تەكنیكی لە تۆڕ و وێستگەكان و كارەبای هاوبەشانی ماڵان لەسەر هێڵ بوون.