سەرۆكوەزیران مەسرور بارزانی: بەریتانیا هاوبەشێكی گرنگی كوردستانە

ئاڤا نیوز

 

سەرۆكوەزیران مەسرور بارزانی و وەزیری ناوخۆی بەریتانیا جەختیان لە بەرپرسیاریەتیی هاوبەشی هەردوولا کرد لە ڕووبەڕووبوونەوەی کۆچکردنی نایاسایی و تاوانە ڕێکخراوەكان.

 

وێنە گەورەکە: ئەمڕۆ پێنجشەممە، 28-11-2024، سەرۆکوەزیران مەسرور بارزانی پێشوازیی لە ئیڤێت کووپەر، وەزیری ناوخۆی بەریتانیا کرد و چەند پرسێكیان تاووتوێ كرد.

 

ڕاگەیێنراوی فەرمی: سەرۆكوەزیران مەسرور بارزانی لە ئەژماری فەرمی خۆی لە تۆڕی "ئێكس" ڕایگەیاند: "لە کۆبوونەوەم لەگەڵ ئیڤێت کووپەر، وەزیری ناوخۆی بەریتانیا، جەختمان لە بەرپرسیاریەتیی هاوبەشی هەردوولا کرد لە ڕووبەڕووبوونەوەی کۆچکردنی نایاسایی و تاوانە ڕێکخراوەكان".

 

باكگراوند: ئیڤێت کووپەر، وەزیری ناوخۆی بەریتانیا بە سەردانێكی فەرمی لە هەرێمی كوردستانە و لەگەڵ بەرپرسانی هەرێمی كوردستان، پرسی پێكهێنانی كابینەی 10ی حكومەتی هەرێمی كوردستان و مەترسییەكانی داعش و پتەوتركردنی پەیوەندییەكانی نێوان هەرێمی كوردستان و بەریتانیا، تاوتوێ دەكات.