پارێزگاری ئیستەنبووڵ سەردانی هەولێر دەكات

ئاڤا نیوز

 

ئومێد خۆشناو، پارێزگاری هەولێر، بانگهێشتی داود گول، پارێزگاری ئیستەنبووڵ دەكات، سەردانی شاری هەولێر بكات و ئەویش داواكە قبوڵ دەكات.

 

وێنە گەورەكە: لەسەر بانگهێشتى وەزیرى بازرگانى وڵاتى تورکیا، شاندێکى هەرێمى کوردستان کە پێکهاتوون لە ئانۆ جەوهەر، وەزیرى گواستنەوە و ئومێد خۆشناو، پارێزگارى هەولێر و ئایدن مەعروف و ژمارەیەك بازرگانی كورد بەشدارییان لە کردنەوەى پیشانگاى MUSIAD EXPO 2024ی تایبەت بە بازرگانی و پیشەسازیی لەشارى ئیستەنبووڵ کرد.

لێدوانی فەرمی: ئومێد خۆشناو، پارێزگاری هەولێر ڕایگەیاند: لە پەراوێزی سەردانەكەمان لەگەڵ هەریەك لە سەرۆكی شارەوانی و پارێزگاری ئیستەنبووڵ كۆبووینەوە و لەمیانەدا بانگهێشتی داود گول، پارێزگای ئیستەنبووڵمان كرد سەردانی شاری هەولێر بكات، بەخۆشحاڵییەوە داواكەی قبوڵ كردین.

 

لەلایەكی دیكەوە: داود گول، پارێزگاری ئیستەنبووڵ سەبارەت بە كۆبوونەوەی لەگەڵ پارێزگاری هەولێر ڕایگەیاند: لەگەڵ پارێزگاری هەولێر باسمان لە پەیوەندییەکانی نێوان هەولێر و ئیستەنبووڵ کرد، لەگەڵ هەماهەنگییەکان بۆ هاوکارییکردنی گەشتیاران لەنێوان هەردوولادا، پشتیوان بەخوای گەورە  ئەو کێشانەی لەبەردەم گەشتیاراندا هەن، چارە دەکرێن.