گەڕەکی گرد جووتیار بە تۆڕی ئاوی خێرای هەولێر دەبەسترێتەوە

ئاڤا نیوز

 

سەرۆکایەتیی شارەوانی هەولێر پرۆژەی ئاوی خواردنەوە بە گەڕەکی قەرەبووی گرد جووتیار دەگەیەنێت، سەرۆکی شارەوانی هەولێر لەوبارەیەوە دەڵێت 'تۆڕی ئاوی گەڕەکەکە بە ئاوی خێرای هەولێر دەبەستینەوە'.

 

وێنە گەورەکە: جێبەجێکردنی پرۆژەی ئاوی خواردنەوە و تۆڕەکانی ئاو، لە کابینەی نۆی حکومەتی هەرێمی کوردستان بە بایەخەوە بۆ سەرجەم ناوچەکان و بەگوێرەی پێویستییان جێبەجێکراوە.

 

لێدوانی فەرمی: کارزان هادی، سەرۆکی شارەوانی هەولێر، بە ئاڤا میدیای ڕاگەیاند: سێ بیری ئاو و تۆڕی ئاوی خواردنەوە بۆ گەڕەکی گرد جووتیار جێبەجێ دەکرێت و خەزانی بۆ دروست دەکرێت، دواتر بەسەر هاووڵاتییان دابەش دەکرێت، هەروەها پرۆژەکە لە ئایندەدا بە تۆڕی ئاوی خێرای هەولێر دەبەستینەوە.

 

زانیاریی زیاتر: تێچووی پرۆژەکە یەک ملیار و 753 ملیۆن و 348 هەزار دینارە.

 

ئەوەی پێویستە بیزانیت: سەرۆکایەتیی شارەوانی هەولێر نووسراوی ئاراستەی وەزارەتی کارەباش کردووە، بۆ ئەوەی هێڵی کارەبا بە گەڕەکی گرد جووتیار بگەیەندرێت.

 

ئەمەش بزانە: گەڕەکی گرد جووتیار دەکەوێتە ڕۆژهەڵاتی باکووری شاری هەولێر، دانیشتووانەکەی دوو هەزار و 500 کەسن.