یاسایەکی تایبەت بە پاراستنی ئاژەڵان لە تورکیا دەردەکرێت

ئاڤا نیوز

بە گوێرەی گۆڕانکارییەکان لە یاسای پاراستنی ئاژەڵان لە تورکیا، هەر خاوەن ئاژەڵێک ئەگەر ئاژەڵەکەی جێهێشت، یان لە هەمان ساڵ زیاتر لە ئاژەڵێکی وون کرد، لە هەمان بەروارەوە بۆ ماوەی سێ ساڵ خاوەنداریکردنی ئاژەڵی لێ قەدەغە دەکرێت.

وێنە گەورەکە: پرسی ئاژەڵی سەر شەقام و بێ خاوەن کێشەیەکی گەورەی بۆ خەڵکی ئەو وڵاتە دروست کرد، تا گەیشتە ئەوەی پرسەکە ببرێتە پەرلەمانی تورکیا، بەهۆی ئەوەی ئەم پرسە کێشەی لە نێوان ئاژەڵ دۆستان و خەڵکی دروست کرد، بە یاسا کێشەکە چارەسەرکرا. 

 

بڵاوکراوەی فەرمی: لە ڕۆژنامەی فەرمی تورکیا گۆڕانکارییەکانی یاسای بەخێوکردنی ئاژەڵ لە تورکیا بڵاوکرایەوە، بە پێی یاسای 5199ی پاراستنی مافی ئاژەڵان، هەر کەسێک کە خاوەندارییەتی ئاژەڵێک بکات ئینجا سەگ بێت یاخوود پشیلە، ئەگەر جێیهێشت یاخوود وونی کرد، لە بەرواری وون کردنەکە تا سێ ساڵی دیکە هیچ مافێکی نابێت کە ئاژەڵ بە خێوبکات.

 

ڕاگەیێنراوی فەرمی: ئیبراهیم یوماکڵی، وەزیری کشتوکاڵ و دارستان، دەڵێت :ئامانج لەم پاسایە پاراستنی تەندروستی گشتی و ڕەچاوکردنی خۆشگوزەرانی ئاژەڵانە. بۆیە پەیڕەوەکە مافی خاوەن ئاژەڵەکانیش دەپارێزێت کە پابەندی ڕێساکانن و ڕەچاوی خۆشگوزەرانی ئاژەڵان دەکەن.