سوپای عێراق هێزی زیاتر دەباتە سەر زەوییە کشتوکاڵییەکانی کورد لە سەرگەڕان

ئاڤا نیوز 

 

سوپای عێراق هێزی زیاتر ڕەوانەی سنووری زەوییە کشتوکاڵییەکانی سەرگەڕان دەکات و جووتیارانی کوردیش دەلێن، هەر یاسایەک لە بەرژەوەندیی کورد بێت سوپا لە دژیان دەوەسێت.

 

وێنە گەورەکە: ڕۆژی شەممە، 15-12-2024، عەبدولئەمیر یاروڵڵا، سەرۆک ئەرکانی سوپای عێراق، بە مەبەستی بەسەرکردنەوەی هێزی هاوبەشی نێوان سوپای عێراق و هێزی پێشمەرگە سەردانی ناوچەی سەرگەڕانی کەرکووکی کرد.

 

زانیاریی پەیامنێر: پەیامنێری ئاڤا لە کەرکووک ڕایگەیاند: ژمارەیەک لە جووتیارانی سەرگەڕان ویستیان ڕێگری لە هاتنی سەرۆک ئەرکانی سوپای عێراق بۆ ناوچەکەیان بکەن بۆ ئەوەی پێیان بڵێن چیدیکە قبووڵ ناکەن سوپا دەست لە دۆسیەی زەوییە کشتوکاڵیەکانیان وەربدەن و ڕێگریان لێ بکرێت.

 

لێدوانی فەرمی: نوێنەری جووتیارانی سەرگەڕان بە ئاڤای گوت: سوپای عێراق پابەندی یاسا نابێت و تەنانەت ڕێگە نادات ئەو زەویانەش بەکاربێنین کە هیچ کێشەیان لەسەر نییە.

 

لەلایەکی دیکەوە: ژمارەیەک لە جووتیارەکان بە ئاڤایان ڕاگەیاند: هەر یاسایەک لەبەرژەوەندی کورد بێت سوپا لە دژیان دەوەسێت لەکاتێکدا کاری سوپا پاراستی ئەمنیەتی خەڵک و پاراستیانە لە داعش و زەوییەکانیشیان تاپۆن و هیچ گرفتێکیان نییە، بەڵام سوپا بەردەوام بیانوویان پێ دەگرن.