کارکردن لە ڕێگای دووسایدی هەولێر-کۆیە دەستپێدەکات

ئاڤا نیوز

 

کابینەی نۆیەمی حکومەتی هەرێمی کوردستان بڕیاریدا پرۆژەی دووسایدی هەولێر – کۆیە تەواو بکات و بەم نزیکانە کارەکانی دەستپێدەکات.

 

وێنە گەورەکە: ماوەی 14 ساڵە بەردی بناغەی پرۆژەی بەدووسایدکردنی ڕێگای نێوان هەولێر-کۆیە دانراوە و پرۆژەکە تەواو نەکراوە، لە دوو مانگی ڕابردوو سەرۆکوەزیران مەسرور بارزانی، بەردی بناغەکەی دانا و دەست بە کارکردن دەکرێت تێێدا.

 

لێدوانی فەرمی: د. ئاگرین عەبدوڵڵا، بریکاری وەزارەتی ئاوەدانکردنەوە و نیشتەجێکردنی حکومەتی هەرێمی کوردستان بە ئاڤا نیوزی ڕاگەیاند: کۆمپانیای جێبەجێکار شۆفڵ و ئامێرەکانی دروستکردنی شەقام دەگوازنەوە شوێنی پرۆژەکە و دەست بە تەواوکردنی قۆناغی یەکەم و دووەمی هەولێر – کۆیە دەکرێت.

 

زانیاریی زیاتر: ڕێگاکە دیزاینێکی تایبەتی هەیە، لەبری فوڵکەکانی سووڕانەی ئاسایی، بەرزە پرد بەکاردێت و ئاڤا میدیا زانیویەتی کە هەشت بەرزە پرد دادەنرێن.