لە دوو بازگەی هەولێر 3 بازرگان بەبڕێكی زۆر ماددەی هۆشبەرەوە دەستگیر دەكرێن

ئاڤا نیوز

بەڕێوەبەرایەتیی نەهێشتنی ماددە هۆشبەرەكان، ڕایدەگەیەنێت لە دوو بازگەی سنووری پارێزگای هەولێر، سێ تۆمەتبار دەستگیركراون كە بڕێكی زۆر ماددەی هۆشبەریان پێبووە و بەنیازبوونە لەشارەكانی هەولێر و دهۆك مامەڵەی پێوە بكەن. 

 

ڕاگەیێنراوی فەرمی: بەڕێوەبەرایەتیی نەهێشتنی ماددە هۆشبەرەكان لە ڕاگەیێنراوێكدا بڵاویكردووەتەوە، ئاسایشی بازگەكانی سەر بە بەڕێوەبەرایەتیی گشتی ئاسایش لەدوو چالاكیدا، لەبازگەکانی دێگەڵە و سماقولی، توانییان دەستبەسەر بڕی دوو كیلۆ و 500 گرام ماددەی هۆشبەر لەجۆرەكانی هێرۆین و حەبی كەپتاگۆن و ماریجوانا دا بگرن. 

 

زانیاریی زیاتر: تیمەكانی بەڕێوەبەرایەتیی نەهێشتنی ماددە هۆشبەرەكان، توانییان سێ كەس دەستگیر بكەن كە بەنیاز بوون ئەم بڕە ماددە هۆشبەرانە لەشارەكانی هەولێر و دهۆك بڵاوبكەنەوە و كڕین و فرۆشتنی پێوەبكەن. 

 

ئەوەش بزانە: تۆمەتبارەكان دوای دەستگیركردنیان، لە دادگای لێكۆڵینەوەی ئاسایشی هەولێر بەگوێرەی ماددەی 25 لە یاسای بەرەنگاربوونەوەی ماددە هۆشبەرەكان و كارتێكەرە عەقڵییەكان، دۆسیەی تاوانیان بۆ كراوەتەوەو لێكۆڵینەوەیان لەگەڵ دەكرێت.