وەزیری دەرەوەی فەرەنسا: داوامان لە حکومەتی نوێی سووریا کردووە مافی کورد دەستەبەر بکرێت

ئاڤا نیوز

 

لە بەردەم پەرلەمانی وڵاتەکەی ژان نۆئێل بارۆت، وەزیری دەرەوەی فەرەنسا باسی لە دۆخی سووریا و مافی کورد لە داهاتووی سووریا کرد.

 

لێدوانی فەرمی: ژان نۆئێل بارۆت، وەزیری دەرەوەی فەرەنسا ڕایگەیاند:

 

- لە مانگی یەکی 2025 کۆبوونەوەیەک لەگەڵ وڵاتانی عەرەبی و تورکیا و هاوپەیمانەکانمان سەبارەت بە دۆخی سووریا لە وڵاتەکەمان ڕێکدەخەین.

- سەرۆک ماکرۆن بەڕوونی لە پەیوەندییە تەلەفوونییەکەی لەگەڵ ئەردۆغان سەرۆکی تورکیا باسی لەوەکردووە کە دەبێت کوردی سووریا لە پڕۆسەی پێکهێنانی حکومەتی نوێدا بەتەواوەتی بەشداربن.

- دەبێت دەستبەجێ ڕووبەڕووبوونەوەی هێزەکانی تەحریرولشام لەگەڵ هێزەکانی سووریای دیموکرات (هەسەدە) لە باکووری ڕۆژهەڵاتی سووریا بوەستێت. هاوکات فەرەنسا کاردەکات بۆ ڕێککەوتنی کورد و تورک.

- سەرۆکی فەرەنسا جەختی لەوەکردووەتەوە، دەبێت لە حکومەتی نوێی سووریادا ڕێز لە مافی هەموو پێکهاتەکان بگیردرێت.