زیاتر لە 38 ملیار دینار بۆ تەواوکردنی یاریگەی ئۆڵۆمپی کەرکووک تەرخانکراوە

ئاڤا نیوز

سەرۆکی نوێنەرایەتیی کەرکووکی لیژنەی ئۆڵۆمپیی عێراق ئاشکرایکرد کە زیاتر لە 38 ملیار دینار لەلایەن ئەنجوومەنی وەزیرانی عێراق بۆ تەواوکردنی یاریگەی ئۆڵۆمپی کەرکووک تەرخانکراوە.

بۆچی گرنگە: ئەنجوومەنی وەزیرانی عێراق لە دوایین کۆبوونەوەی خۆیدا باسی لە زیادکردنی تەرخانکردنی دارایی بۆ یاریگەی ئۆڵۆمپی کەرکووک کرد، کە ئێستا نۆژەنکردنەوە و تەواوکردنی پڕۆژەکە دواکەوتووە.

لێدوانی فەرمی: حەربی خالید، سەرۆکی نوێنەرایەتیی کەرکووکی لیژنەی ئۆڵۆمپیی عێراق بۆ ئاڤا نیوز گوتی: پارە تەرخانکراو بۆ نۆژەنکردنەوە و تەواوکردنی یاریگەی ئۆڵۆمپی کەرکووک بەڕێژەی 15%  زیادیکردووە، پێشووتر 33 ملیار و 500 ملیۆن دینار بوو، ئەو پارەیە زیادی کردووە بۆ 38 ملیار و 856 ملیۆن و 846 هەزار دیناری عێراقی.

ئەوەی پێویستە بیزانیت: بەگوێرەی لیژنەی ئەنجوومەنی وەزیرانی عێراق  یاریگەی ئۆڵۆمپی کەرکووک لە 49%ی تەواو کراوە و لە داهاتوویەکی نزیکدا دەست دەکرێت بە تەواوکردنی بەشەکەی دیکەی.