لە سلێمانی سێ كەس بە تۆمەتی دزینی 35 ملیۆن دینار دەستگیركران

ئاڤا نیوز

 

بەڕێوەبەرایەتیی پۆلیسی پارێزگای سلێمانی ئاشكرای دەكات كە سێ كەس بە تۆمەتی دزینی زیاتر لە 35 ملیۆن دینار دەستگیر كراون.

 

ڕاگەیێنراوی فەرمی: بەپێی ڕاگەیێنراوی پۆلیسی سلێمانی، سێ تۆمەتبارەكە بە تۆمەتی دزینی 35 ملیۆن و 607 هەزار دینار لە بەنزینخانەیەك لەلایەن پۆلیسی نەهێشتنی تاوانی سەیدسادقەوە دەستگیر كراون.

 

زانیاریی زیاتر: تۆمەتبارەكان ناویان (ر، ب، ع - س، ج، ح - هـ، ج، ح)ەو دانیان بە تاوانەکەیاندا ناوە و ئێستا بە بڕیاری دادوەر و بەپێی ماددەی 444 لە یاسای سزادانی عێراقی ڕاگیراون.

 

پۆلیسی سلێمانی ئاماژەی بە ئەوەش داوە، لە کاتی دەستگیرکردنی تۆمەتباراندا دەستگیراوە بەسەر بڕێک لە پارە دزراوەکە و دانیان بەوەدا ناوە کە بڕێک لە پارەکەیان گۆڕیوەتەوە بە دۆلاری ئەمەریکی و بە پارەكە ماتۆڕسكیل و دەمانچە و مۆبایلیان کڕیوە.