دوای بەدواداچوونی ئاڤا زێدەڕۆیی کۆمپانیایەکی نیشتەجێبوون لە هەولێر لادەبرێت

ئاڤا نیوز

 

دوای بەدواچوونێکی ئاڤا میدیا بۆ زێدەڕۆیی کۆمپانیایەکی نیشتەجێبوون کە سایدێکی ڕێگەی سەرەکی داخستبوو، دوای کەمتر لە 24 کاتژمێر لایەنە پەیوەندیدارەکان زێدەڕۆیی ئەو کۆمپانیایەیان لەسەر مۆڵکی گشتیی لابرد کە ماوەی دوو ساڵبوو بە زێدەڕۆی ڕێڕەوی شەقامێکی سەرەکی هەولێر داخستبوو. 

 

چیرۆکە سەرەکی: ڕۆژی دووشەممە، ڕزگار کۆچەر، ڕۆژنامەنووسی دیاری ئاڤا میدیا لەسەر دوای هاووڵاتییان بەدواداچوونی بۆ داخستنی ڕێڕەوی شەقامێکی گشتی کرد کە ماوەی دوو ساڵبوو لەلایەن کۆمپانیایەکی نیشتەجێبوونەوە بە زێدەڕۆ داخرابوو، دوا بەدوای بەرنامەکە لایەنە پەیوەندیدارەکان ئەو زێدەڕۆییەیان لابرد.

 

زانیاریی زیاتر:  زێدەڕۆی ئەو کۆمپانیایە لە زۆنی زێڕینی شاری هەولێر بوو کە ڕێڕەوی سەرەکی شەقامی نێوان گوندی ئینگلیزی و گوندی ڤیتاڵی داخستبوو و ئاستەنگی هاتووچۆی بۆ هاووڵاتییان و گەشتیاران دروستکردبوو. 

 

ئەوەی پێویستە بیزانیت: داخستنی ڕێڕەوی ئەو شەقامە بەهۆی دانانی کەرستەی بیناسازییەوە بوو لەسەر ئەو شەقامە، کە بۆ دروستکردنی تاوەرێکبووە لەنێو گوندی ئینگلیزی بەهۆیەوە شەقام و سەوزای ناوچەکەش بە تەواوی وێرانبوون.