هەڵبژادنی دەستەی کارگێری یانەی هەولێر دواخرا

ئاڤا نیوز 

 

بڕیار بوو ئەمڕۆ چوارشەممە 25- 12- 2024 هەڵبژاردنی دەستەی کارگێری یانەی هەولێر ئەنجام بدرێت، بەڵام بەهۆی نەگونجاوی بارودۆخی یانەکە هەڵبژاردنەکە دواخرا.

 

چیرۆکی سەرەکی: دوای شەش مانگ لە دەستەی کاتی کارگێری یانەی هەولێر کە لە حەوت تا نۆ ئەم  ئەندام پێکهاتبوون و یانەکەیان بەڕێوەدەبرد، بە بڕیاری بەڕێوەبەرایەتی گشتیی وەرزشی هەولێر، بڕیاردرا دەستەیەکی نوێ هەڵبژێردرێت، بەڵام دوای هەڵسەنگاندنی دۆخەکە هەڵبژاردنەکە دواخرا بۆ مانگی حەوتی ساڵی داهاتوو.

 

ڕاگەیێنراوی فەرمی: ئومێد خۆشناو، پارێزگاری هەولێر، ڕایگەیاند: لەبەر بەرژەوەندی گشتی یانە و نەگونجاوی بارودۆخی یانەی ھەولێر بۆ ئەنجامدانی ھەڵبژاردنی دەستەی کارگێری، دوای ھەڵسەنگاندی دۆخەکە و ڕاوێژ لەگەڵ سەرجەم لایەنە پەیوەندارەکان، بریارماندا بەدواخستنی ھەڵبژاردنەکە بۆ کاتێکی گونجاو، لەپێناو بەرەوپشوەبردنی زیاتری یانەکە.

 

زانیاریی بە دەستهاتوو: بەپێی زانیارییەکانی ئاڤا نزیکەی 28 کەس خۆیان بۆ دەستەی نوێی کارگێری  یانەی هەولێر کاندید کردبوو، هاوکات 217 کەس مافی دەنگدانیان هەیە، دەنگدەرانیش حەوت کەس هەڵدەبژێرن  و  دەستەی کارگێریش کەسێک بۆ سەرۆکی یانەکە هەڵدەبژێرن.