ئاڤا بەدواداچوون بۆ کێشەی خزمەتگوزاریی زەوییەکانی گەڕەسۆر دەکات

ئاڤا نیوز

ژمارەیەک پێشمەرگەی ئاوارەی شەڕی ناوخۆ، دانیشتووی گەڕەکی گەڕەسۆر لە هەولێر، نیگەرانن لەوەی تا ئێستا هیچ خزمەتگوزارییەک بۆ گەڕەکەکەیان پێشکەش نەکراوە، وەزارەتی شارەوانیش مژدەیان پێ ئەدات. 

وێنە گەورەکە: ماوەی 15 ساڵە، شارەوانی هەولێر لە بەشی باشووری رۆژهەڵاتی شارەکە و بە دیاریکراوی لە گەڕەکی گەڕەسۆر کە دەکەوێتە نێوان قەزاکانی بنەسڵاوە و دارەتوو، زەوی بە بەشێک لە پێشمەرگە ئاوارەکانی شەڕی ناوخۆ داوە، زەوییەکان تاپۆ کراون بەڵام تائێستا خزمەتگوزارییان بۆ دابین نەکراوە، هۆکارەکەشی قەیرانی دارایی بووە.

لێدوانی فەرمی: سەربەست مەولوود، بەڕێوەبەری بەشی یاسایی لە وەزارەتی شارەوانی و گەشتوگوزار بە ئاڤا میدیای راگەیاند، "گەیاندنی دەستی ئاوەدانی و خزمەتگوزاری بۆ گەڕەسۆر خراوەتە پلانی ساڵی 2025 و لە ساڵی نوێوە هەنگاوە کردەییەکانی دەست پێدەکەن".