یونسێف: 2024 خراپترین ساڵ بووە بۆ منداڵان

ئاڤا نیوز

 

ڕێکخراوی نەتەوەیەکگرتووەکان تایبەت بە هاوکاریکردنی منداڵان (یونسێف) ڕایدەگەیێنێت، ئەو منداڵانەی کە لە ناوچەکانی شەر دەژین لەم ساڵدا بە خراپترین دۆخدا تێدەپەڕیوون، بەمەش ساڵی 2024 بووەتە خراپترین ساڵ بۆ منداڵان.

 

وێنەگەورەکە: بەهۆی بەردەوامی گرژی و ئاڵۆزییەکان، منداڵان لەسەرانسەری جیهان ڕووبەڕووی برسییەتی و بڵاوبوونەوەی نەخۆشی جۆراوجۆر بوونەتەوە. هەروەها دابڕان لە قوتابخانە یەکێکی دیکەیە لە گرفتانەی تەنگی بە منداڵان هەڵچنیوە لەمساڵدا. بەگوێرەی ئامارەکانیش تەنیا لەم ساڵدا 473 ملیۆن منداڵ لە ناوچەکانی شەڕ ژیان بەسەر دەبەن.

 

لێدوانی فەرمی: کاترین ڕوسیل، بەڕێوبەری ڕێکخراوی نەتەوەیەکگرتووەکان تایبەت بە هاوکاریکردنی منداڵان ڕایگەیاند: "بە هەموو پێوەرەکان ساڵی 2024 یەکێک بوو لە خراپترین ساڵەکان بۆ منداڵان لە مێژووی یونسێف دا کە تۆمارکرابێت لە هەموو ڕوویەکانەوە''.

 

کاریگەری و لێکەوتەکان: لە کۆتایی ساڵی ڕابردوو زیاتر لە 47.2  ملیۆن منداڵ ئاوارەبوون، لە ساڵی 2024ـيش ئەم ژمارەیە زۆرتربوو. ژمارەی ئەو منداڵانەشی لەمساڵدا بەهۆی شەڕەوە لە خوێندن بێبەش بوون دەگاتە 52 ملیۆن منداڵ.