سوودانی سەردانی ئێران و قەتەر دەکات

ئاڤا نیوز

 

سەرچاوەیەکی باڵای حکومەتی عێراق ئاشکرای کردووە، سوودانی ڕۆژی سێشەممە بە فەرمی سەردانی ئێران دەکات و لەگەڵ بەرپرسانی باڵای ئەو وڵاتە کۆ دەبێتەوە. دوای ئێرانیش سەردانی قەتەر دەکات.

 

وێنە گەورەکە: سوودانی لە سێ هەفتەی ڕابردوودا و دوای ڕووخانی دەسەڵاتی بەشار ئەسەد سەردانی چەند وڵاتێکی دراوسێی کردووە و لە دوایین گەشتی ئەمساڵی ڕۆژی سێشەممە دەگاتە ئێران و مەلەفی سووریا یەكێک دەبێت لە تەوەری سەرەکیی گفتوگۆکانی لەگەڵ بەرپرسانی تاران.

 

زانیاریی بەدەستهاتوو: بەگوێرەی سەرچاوەکە، محەممەد شیاع سوودانی، سەرۆکوەزیرانی عێراق دەچێتە ئێران بۆ گفتوگۆکردن دەربارەی دۆخی سووریا و کاریگەرییەکانی لەسەر ناوچەکە. دواتر سەردانی قەتەر دەکات و لەگەڵ گەورە بەرپرسانی وڵاتەکە کۆدەبێتەوە، لەوانەش میر محەممەد بن تەمیم ئال سانی.

 

ئەوەی پێویستە بیزانیت: دوای ڕووخانی دەسەڵاتی بەشار ئەسەد لە سووریا، سەرۆکوەزیرانی عێراق چەندین سەردانی بۆ وڵاتانی ناوچەکە کردووە، لەوانەش ئوردن و سعوودیە، ئامانجی سەردانەکانیشی بۆ تاوتوێکردنی دۆسیەی ئاسایش و چەند پرسێکی دیکەی تایبەت بە ناوچەکە بووە.

 

ئەمەش بزانە: لە 11-09-2024 مەسعود پزیشکیان، سەرۆککۆماری ئێران گەیشتە عێراق و سەردانی بەغدا، هەولێر، سلێمانی، نەجەف، کەربەلا و بەسرەی کرد و لەگەڵ بەرپرسانی باڵای عێراق و هەرێـمی کوردستان کۆبووەوە