دورگەی کریسمس وەکو یەکەم ناوچە پێ دەنێتە ناو ساڵی 2025

ئاڤا نیوز

 

دورگەی "کریسمس" وەک یەکەم ناوچەی جیهان پێشوازی لە ساڵی 2025 دەکات و پێش هەموو ناوچەکانی دیکە دەکەوێت. 

 

چیرۆکی سەرەکی: بەهۆی جیاوازی کاتەوە هەموو ناوچە و وڵاتەکانی جیهان ناتوانن لە یەک ساتدا بچنە ناو ساڵی نوێوە، بۆیە هەر وڵاتە و بە جیاوازی چەند کاتژمێر و چەند خولەکێک ئاهەنگگێرانی خۆیان دەستپێدەکەن. 

 

زانیاریی زیاتر: بەشێک لە دانیشتووانی جیهان پێیان وایە کە ئوسترالیا یەکەم شوێنە کە پێدەنێتە ساڵی نوێوە بەڵام لە ڕاستیدا یەکەم شوێن دورگەی کریتیماتییە کە بە کریسمس ناودەبرێت، ئەو ناوچەیە دەکەوێت باشووری دورگەی هاوای لە زەریای هێمن لەسەر هێڵی درێژیی 10 هەڵکەوتووە. 

 

ئەمەش بزانە: جیاواز لەیەکەم ناوچە کە پێ دەنێتە ناو ساڵی نوێ، دورگەکانی بەیکەر و هاولاند کۆتا ناوچە دەبن کە دەچنە ناو ساڵی 2025ەوە کە کاتژمێر 12ـی نیوەڕۆ بە کاتی گرینج ئەو ساتە بەخۆیانەوە دەبینن.