ڕەنگی قاوەیی بە ڕەنگی ساڵ دەستنیشانکرا

ئاڤا نیوز

 

کۆمپانیای "پێنتۆن" ساڵانە ڕەنگێک وەک ڕەنگی ساڵ دەستنیشان دەکات کە بتوانێت پەیام و مەزاجی ئەو ساڵە بە باشی بگەیەنێت، بۆ ئەمساڵیش ڕەنگی قاوەیی کاڵ (نیسکافەیی) بۆ ساڵی 2025 هەڵبژارد.

 

چیرۆکی سەرەکی: ساڵانە لەگەڵ هاتنی کریسمس و ساڵی نوێ کۆمپانیا جیاوازەکان ڕەنگی ساڵ دەناسێنن بەڵام لە نێوان هەموو کۆمپانیاکان "پێنتۆن" باوەڕپێکراوترین کۆمپانیایە بۆ هەڵبژاردنی ڕەنگی ساڵ، ئەم کۆمپانیایە ڕەنگی قاوەیی کاڵ " نسکافەیی" بۆ ئەمساڵی 2025ی دەستنیشانکرد.

 

ڕاگەیێنراوی فەرمی: کۆمپانیای "پێنتۆن" بڵاویکردەوە، ئەمساڵ ڕەنگی قاوەیی کاڵ "نیسکافەیی" دەبێتە ڕەنگی ساڵ، ئەویش بەپێی ئەو لێکۆڵینەوە و شیکردنەوە وردانەی کە ڕەوتە کۆمەڵایەتی و ئابووری و کەلتوورییەکان دەستنیشانی دەکەن.

 

ئەوەی پێویستە نیزانیت: ڕەنگی قاوەیی کاڵ یەکێکە لە ڕەنگە گەرم و خاکییەکان کە کاریگەریی دەروونی قوڵی دەبێت لەسەر تاکەکان و بەهۆی سروشتی بوونی و نەرمی خۆیەوە هەستی ئارامی و سەقامگیر و متمانە بەخۆبوون دەبەخشێت.

 

کاریگەری و لێکەوتەکان: کاریگەرییە دەروونییەکانی ئەم ڕەنگە لەخوارەوە باسکراوە:

- هەستکردن بە ئارامی: چونکە ڕەنگی خاکە و سترێس کەم دەکاتەوە، هەروەها ڕەنگی سروشتیشە.

- گەرم و دۆستایەتی: بەکارهێنانی ئەم ڕەنگە هەستی نزیکبوون و بڕوا بە خۆبوون لە پەیوەندیدا پێدەبەخسێت.