لە عێراق ژمارەی بازرگانانی ماددەی هۆشبەر ئاشکرا دەکرێت

ئاڤا نیوز

 

ناوەندی ستراتیژی بۆ مافەکانی مرۆڤ لە عێراق، ئاماری ژمارەی بازرگانان و هەڵگرانی ماددەی هۆشبەری بۆ ساڵی 2024 ـی لە عێراق ئاشکراکرد.

 

وێنە گەورەکە: ئاماری بەکارهێنان و بازرگانیکردن بە ماددە هۆشبەرەکان بەشێوەیەکی بەرچاو زیادی کردووە بەجۆرێک ڕێکخراوە ناوخۆیی و بیانییەکان هۆشداریانداوە لەوە عێراق ببێتە ناوەندێک بڵاوکردنەوەی ئەو ماددانە لە ناوچەکە. 

 

لێدوانی فەرمی: فازل غەراوی، بەرپرسی ناوەندی ستراتیژی بۆ مافەکانی مرۆڤ لە عێراق ڕایگەیاند: بەڕێوەبەرایەتی گشتیی کاروباری ماددە هۆشبەرەکان لە عێراق، 14 هەزار بازرگان و هەڵگری ماددەی هۆشبەریان لەساڵی 2024 ـدا دەستگیرکردووە.

 
غەراوی ئاماژەی بەوەشکرد، دەسەڵاتی دادوەری عێراق سزای لەسێدارەدانی بەسەر 144 بازرگانی نێودەوڵەتیی ماددەی هۆشبەر و سزای زیندانی هەتاهەتایی بەسەر 434 بازرگانی ناوخۆیدا سەپاندووە.

 

ئەمەش بزانە: لە ماوەی ساڵی 2024 ـدا دەست بەسەر شەش تۆن ماددەی هۆشبەردا گیراوە، دیارترینیان کریستاڵ، حەشیش و حەبی کاپتاگۆن بوون.