ترەمپ لە یەکەم ڕۆژی دەستبەکاربوونی ژمارەیەک بڕیار دەردەکات

ئاڤا نیوز

 

بڕیارە دۆناڵد ترەمپ، سەرۆکی هەڵبژێردراوی ئەمریکا لە یەکەم ڕۆژی دەستبەکاربوونیدا 100 بڕیاری جێبەجێکردن دەربکات.

 

وێنە گەورەکە: لە دوای هەڵبژاردنی وەک سەرۆکی ئەمریکا لە مانگی نۆڤمبەری ساڵی ڕابردوو، بڕیارە دۆناڵد ترەمپ لە 20-1-2025، بەشێوەیەکی فەرمی لە کۆشكی سپی وەک 47ـەمین سەرۆکی ویلایەتە یەکگرتووەکانی ئەمریکا دەستبەکاربێت.

 

ئەوەی پێویستە بیزانیت: دۆناڵد ترەمپ لە یەکەم ڕۆژی دەستبەکاربوونی وەک سەرۆکی ئەمریکا 100 بڕیاری جێبەجێکردن دەردەکات کە پێکدێن لە ئاسایشی سنوورەکان، دیپۆرتکردنەوەی کۆچبەری نایاسایی، یاسایی ڕەگەز گۆرین و کۆمەڵێک بابەتی دیکە، ئەمەش بە گوێرەی قسەکانییەتی کە لە کاتی هەڵبژاردندا دەیکرد. 

 

لەلایەکی دیکەوە: کۆشكی سپی ڕایگەیاند، ڕۆژی چوارشەمە جۆ بایدن سەرۆکی ئەمریکا لە ئۆفیسی ئۆڤال دوایین وتاری سەرۆکایەتیی خۆی پێشکەش دەکات.