کێشەی سەدان قوتابی ماستەر و دکتۆرا چارەسەر دەکرێت

ئاڤا نیوز

 

وەزارەتی خوێندنى باڵا و توێژینەوەی زانستی هەرێمی کوردستان گرفتى سەدان قوتانی ماستەر و دکتۆرا چارەسەر دەکات کە وەک وانەبێژ دامەزراون.

 

ڕاگەیێنراوی فەرمی: وەزارەتی خوێندنى باڵا و توێژینەوەى زانستى بڵاویکردەوە، سەرۆکایەتیی ئەنجوومەنى وەزیران ڕەزامەندیدا لەسەر ئەوانەی کە بە گرێبەست دامەزراون وەک وانەبێژ، لە ئێستادا قوتابى خوێندنى باڵای ماستەر یان دکتۆران، مافیان پارێزراو دەبێت لە خوێندن بەردەوام دەبن تاوەکو تەواوکردنى قۆناغى خوێندنەکەیان.

 

زانیاریی زیاتر: دواى تەواوکردنى خوێندنەکەیان، ڕێکارەکانى بە گرێبەستکردن و دەستبەکاربوونیان بۆ ئەنجام دەدرێت، بەو مەرجەى بەکردارەکى وانەبێژ بووبن و مەرجەکانى دامەزراندیان بە گرێبەست تێدابێت، واتە لە یەک کاتدا هەردوو مافى خوێندن و دامەزراندنیان پارێزراو دەبێت.