ئەو سەوزانەی بە ئاوی قورس ئاو دەدرێن تێکدەدرێن

ئاڤا نیوز

لە هەولێر هەڵمەتێک بۆ تێکدانی ئەو زەوییانە دەستیپێکردووە کە بە سەوزە و بەروبومی کشتوکاڵی داچێنراون و بە ئاوی قورس ئاو دەدرێن.

 

چیرۆکی سەرەکی: لە هەولێر هەندێ هاونیشتمانیی ترومپایان لەسەر ئاوی پیسی ماڵان داناوە و سەوزە و بەرووبوومی کشتوکاڵی بە ئاوی پیسی زێراب ئاو دەدەن، بەبێ ڕەچاوکردنی هیچ مەرجێکی تەندروستی، کە دەبێتە هۆی بڵاوبوونەوەی چەندین نەخۆشی.

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤا گوت: بە بەشداریی سەرجەم لایەنە پەیوەندیدارەکان هەڵمەتێکمان دەستپێکردووە بۆ تێکدانی  ئەو سەوزانەی بە ئاوی پیس ئاو دەدرێن، هەڵمەتەکەش بەردەوام دەبێت تا سەرجەم ئەو سەوزە و بەربوومە کشتوکاڵیانە تێکدەدرێن.

گۆشەیەکی دیکە: کاروان جەبار، نوێنەری سەرۆکایەتی شارەوانی هەولێر گوتی: هەندێ لەو زەویانەی سەوزەیان لەسەر چێندراوە زەوی کشتوکاڵی نین و بەشێوەی زێدەڕۆیی کشتوکاڵیان لەسەر کراوە، چونکە ڕێکارەکانی کوژانەوەیان تەواو بووە و خاوەنەکانیشیان قەرەبوو کراونەتەوە.