بەرپرسێکی باڵای ئەمریکی و مەزڵووم عەبدی کۆدەبنەوە

ئاڤا نیوز

 

فەرماندەیی ناوەندیی هێزەکانی ئەمریکا، سێنتکۆم، ڕایگەیاند، جەنەڕاڵ مایکڵ کۆریلا، فەرماندەی فەرماندەییەکە لەگەڵ مەزڵووم عەبدی، فەرماندەی هێزەکانی سووریای دیموکرات، کۆبووەتەوە.

 

ڕاگەیێنراوی فەرمی: بە گوێرەی ڕاگەیێنراوەکەی سێنتکۆم، کۆبوونەوەکە بۆ جەختکردنەوە بووە لە سەر درێژەدان بە کاری هاوبەش لە تێکشکاندن و ڕێگریکردن لە سەرهەڵدانەوەی داعش و هەروەهاش سەبارەت بە دۆخی سووریا گفتوگۆ کراوە. 

 

بۆچوونی لایەنی بەرامبەر: لای خۆشیەوە، مەزڵووم عەبدی، لە ڕاگەیێنراوێکدا ئاماژەی بەوە کردووە کە کۆبوونەوەکە "بەم دواییانە" ئەنجام دراوە و بۆ هەڵسەنگاندنی دۆخی ئێستای سووریا و ئۆپەراسیۆنی هاوبەشی دژ بە داعش گرنگ بووە.