سەرۆک بارزانی: چاوەڕوان دەکرێت تاوەکو دوو مانگی دیکە حکومەت پێکبهێنرێت

ئاڤا نیوز

 

سەرۆک بارزانی باسی پێکهێنانی کابینەی دەیەمی حکومەتی هەرێمی کوردستان و بەشداریی لایەنەکان دەکات و دەشڵێت: ڕێز لە هەڵوێستی هەمووان دەگرین.

 

چیرۆکی سەرەکی: سه‌رۆک مه‌سعود بارزانى له‌ چاوپێکەوتنێکدا لەگەڵ كه‌ناڵى (الشمس) کە شەوی هەینی بڵاوکرایەوە، باسی پێکهێنانی حکومەتی هەرێمی کوردستان و بەشداریی لایەنە براوەکانی هەڵبژاردن کرد.

 

لێدوانی فەرمی: سەرۆک بارزانی، باسی لەوە کرد کە "ڤیتۆمان لەسەر هیچ لایەنێک نییە بۆ پێکهێنانی حکومەت، هەر لایەنێک بەپێی دەستکەوتی هەڵبژاردن دەتوانێت بەشدار بێت".

 

- دەکرێت لە پێناو بەرژەنوەندیی نیشتمانی لە هەندێک شوێن نەرمی بنوێنرێت.
- شاندی پارتی ڕاسپێردراون دانوستان لەگەڵ هەموو لایەنەکان بکات و پەوەندییان پێوە کراوە.
- شاندی پارتی قۆناغی زۆر باشیان لەگەڵ شاندی یەکێتی نیشتمانی کوردستان بڕیوە بۆ پێکهێنانی حکومەت.
- هیوادارم حکومەت بە زووترین کات پیکبهێنرێت و ڕێز لە بیروڕا و هەڵوێستی لایەنەکان دەگرین.
- هەتا دوا سات لەگەڵ لایەنەکان دەڕۆین و داوایان لێدەکەین بەشداری لە حکومەت بکەن.
- بەشێکی لایەنەکان دەڵێن با پێکهێنانی حکومەت بگاتە هەڵبژانەکانی فیدڕاڵ بەر لە مانگی 10.
- ئەمە جێگەی قبووڵکردن نییە، بەلایەنی زۆرەوە دەکرێت دوو مانگی دیکە چاوەڕێ بکرێت.