کۆریای باشوور: گفتوگۆکانمان لەگەڵ کۆریای باکوور دەستپێدەکەینەوە

ئاڤا نیوز

حکومەتی کۆریای باشوور ڕایگەیاند، داوایان لە کۆریای باکوور کردووە پێشنیازی هاوبەشی وڵاتەکەی و ئەمریکا قبوڵ بکات بۆ دەستپێکردنەوەی دانوستانەکان. 

وێنە گەورەکە: چەند ساڵێکە کێشەو ململانێکانی نێوان هەردوو کۆریا بەردەوامە، لەو ماوەیەشدا چەند چەند هەوڵێک هەبووە بە تایبەت لەلایەن ئەمریکاوە بۆ کۆتایی هێنان بە گرژییەکانیان، بەڵام هەوڵەکان هەمووی بێ سوود بوون.

لێدوانی فەرمی: بەرپرسێکی وەزارەتی دەرەوەی کۆریای باشوور ڕایگەیاند:

تێڕوانینی حکومەتەکەمان نەگۆڕ و ڕوونە کە بریتییە لە دەستپێکردنی گفتوگۆکان لەگەڵ کۆریای باکوور بەبێ مەرج، بە ئامانجی گەیشتن بە چارەسەرێک بۆ بابەتی چەکی ئەتۆمی لە کۆریا بە گشتی.

ئاماژەی بەوەشکرد، تایبەت بە دۆسیەی کۆریای باکوور و بەرنامە ئەتۆمییەکەی حکومەتەکەیان بەردەوامە لە هەماهەنگیکردن لەگەڵ ئەمریکا.

باکگراوند: پێشتر دۆناڵد ترەمپ سەرۆکی ئەمریکا لە میانی چاوپێکەوتنێک لە کەناڵی فۆکس نیوز ڕایگەیاند، هەوڵدەدات جارێکی دیکە پەیوەندی بە کیم جۆن ئون سەرۆکی کۆریای باکوور بکات، ئەمەش لەکاتێکدایە کۆریای باکوور خۆی ئامادە دەکات بۆ ناردنی هێزی سەربازی زیاتر بۆ ڕووسیا تاوەکو لە شەڕی دژ بە ئۆکراینا بەشداربن.