حەماس وەڵامی پێشنیازێکی ترەمپ لەبارەی ڕاگواستنی خەڵکی غەززە دەداتەوە

ئاڤا نیوز

 

دوای ئەوەی دۆناڵد ترەمپ، سەرۆکی ئەمریکا پێشنیازێکی چۆڵکردن و ڕاگواستنی دانیشتوانی کەرتی غەززەی خستەڕوو، بزووتنەوەی حەماس دەنگ و ڕایگەیاند، " پلانەکە پووچەڵ دەکەینەوە."

 

وێنە گەورەکە: دۆناڵد ترەمپ، سەرۆکی ئەمریکا ئاماژەی بۆ چۆڵکردن و ڕاگواستنی دانیشتووانی کەرتی غەززەی کرد و داواشی لە وڵاتانی عەرەبی کرد کە فەلەستینییەکانی نیشتەجیێی غەززە بگوازنەوە وڵاتەکانیان. 

 

ڕاگەیێنراوی فەرمی: باسم نەعیم، ئەندامی مەکتەبی سیاسی بزووتنەوەی حەماس ڕایگەیاند،'' هەروەک چۆن دەیان ساڵە هەموو پلانێک بۆ ئاوارەبوونی خەڵکمان پووچەڵ کردۆتەوە، گەلەکەمان ئەو جۆرە پڕۆژانەش پووچەڵ دەکاتەوە."

 

کاریگەری و لێکەوتەکان: بزووتنەوەی جیهادی ئیسلامی لە فەلەستین لەلایەکی دیکەوە ئیدانەی ئەم پێشنیازەی ترەمپی کرد و ڕایگەیاند، ئەم پێشنیازە لە چوارچێوەی هاندانی تاوانەکانی جەنگ و تاوانەکانی دژ بە مرۆڤایەتییە و ناچارکردنی گەلەکەمانە بۆ ئەوەی خاکی خۆیان بەجێبهێڵن.