ناوەندێک بۆ پێگەیاندنی ڕاهێنەری فێرکردنی شۆفێری دەکرێتەوە

ئاڤا نیوز

بەڕێوبەرایەتیی گشتیی هاتووچۆی هەرێمی کوردستان ناوەندێکی تایبەت بە ڕاهێنەرەکانی شۆفێری دەکاتەوە و ئەمەش کاریگەریی لەسەر بەرەوپێشچوونی پرۆسەکە دەبێت.

وێنە گەورەکە: تا دێت ئۆتۆمبێلی جیاواز و پێشکەوتوو هاوردەی هەرێمی کوردستان دەکرێت و خواستی هاونیشتمانیانیش بۆ فێربوونی شۆفێری ڕوو لە زیاد بوون دەکات، هاوکات حکومەتی هەرێمی کوردستان ناوەندێکی تایبەت بە ڕاهێنەرایەتیی شۆفێری دەکاتەوە.

ڕاگەیێنراوی فەرمی: بەڕێوەبەرایەتیی گشتی هاتووچۆی هەرێمی کوردستان رایگەیاند: ناوەندی تۆتاڵ بۆ ڕاهێنان، پەرەپێدان و هەڵسەنگاندنی هاتووچۆ بە سیستم و پڕۆگرامی نوێ خولی پێگەیاندنی مامۆستا و ڕاهێنەری فێرکردنی شوفێری دەکاتەوە.

لێدوانی فەرمی: پێشتر نەوزاد شێخ کامیل، بەڕێوەبەری گشتییی بازرگانی لە هەرێمی کوردستان بە ئاڤا میدیای ڕاگەیاند: ساڵی ڕابردوو لە دەروازەکانی ئیبراهیم خەلیل، پەروێزخان، باشماخ زیاتر لە 172 هەزار ئۆتۆمبێل لە وڵاتەکانی چین، یابان، ئەمریکا و وڵاتانی دیکەوە هاوردەی هەرێمی کوردستان کراون، بەشێکیان بۆ شارەکانی دیکەی عێراق نێردراون.

زانیاریی زیاتر: هەر کەس ئارەزوومەندە بەشداری خولەکە بکات، لە ڕێگەی ئەم لینکەوە دەتوانێت ناوی خۆی تۆمار بکات. لێرە کلیک بکە