ژمارەیەک مین و پاشماوەی تەقەمەنی دۆزرانەوە و  پووچەڵکرانەوە

ئاڤا نیوز

لە سنوری ئیدارەی سەربەخۆی سۆران ژمارەیەک مین و پاشماوەی تەقەمەنی جەنگی دۆزرانەوە و پووچەڵکرانەوە.

وێنەگەورەکە: لە هەرێمی کوردستان تا ئێستا 28%ی ڕووبەری داپۆشراوە بە مین و تەقەمەنی ماوە پاکبکرێتەوە و لەلایەن تیمەکانی مین لابەری دەزگای گشتی کاروباری مین و 16 کۆمپانیا و ڕێکخراو کار لەسەر پاککردنەوەیان دەکرێت.

ڕاگەیەنراوی فەرمی: بەرێوەبەرایەتیی گشتی کاروباری مین/ هەولێر ڕایگەیاند: لە ئەنجامی کاری ڕۆژانە لە کێلگە مینییەکانی چیای گۆڕەز A و B لە سنوری گوندی مەجیداوە لە ناحیەی دیانا و کێڵگەمینی سەرەکێڵ لە گوندی بێخاڵ لە قەزای ڕواندوز  کە تیمەکانی مین لابەری دەستی چوار و شەش و نۆ کاری تێدا دەکەن، 60 مینی دژەکەس و چوار پاشماوەی تەقەمەنی جەنگی دۆزرانەوە و  پووچەڵکرانەوە و چارەسەرکران.

ژمارەکان وادەلێن: لە ساڵی 2024 

- ڕووبەری 2,965,922م2 لە مین و تەقەمەنی پاککراوەتەوە.

- 36 کێڵگەی مین و 71 شەڕگە پاککراونەتەوە و هیچ مەترسیان لەسەر نەماوە.

- 25,337 مین و پارچە تەقەمەنی هەڵگیراونەتەوە و لەناوبراون.

- 11 کەس بەر مین و تەقەمەنی کەوتوون چوار کەسیان گیانیان لەدەستداوە و حەوت کەسیش برینداربوون.