حەوتەمین خولی پیادەی هێزەکانی پشتیوانی یەک کۆتاییهات

ئاڤا نیوز

 

ڕێورەسمی حەوتەمین خولی پیادەی ڕاهێنان و دیسپلینی سەربازیی لەژێر چاوەدێری فەریق سیهاد بارزانی، فەرماندەی فەرماندەی هێزەکانی پشتیوانی یەک، کۆتاییهات. کە 300 پێشمەرگە بۆماوەی 47  ڕۆژ مەشق و ڕاهێنانیان پێکراوە. 

 

وێنە گەورەکە: هەر خولێکی مەشق و ڕاهێنان 250 بۆ 600 پێشمەرگە بەشدارییان کردووە و فەرماندەی هێزەکانی هاوپەیمانانیش لە نزیکەوە چاوەدێری خولەکان دەکەن، بڕیارە لە دوو مانگی داهاتووشدا ڕاهێنان بە 300 پێشمەرگەی تر بکرێت لەسەر بەکارهێنانی چەکی قورس. 

 

زانیاریی زیاتر: لەچوارچێوەی یەکخستنەوەی هێزەکانی پێشمەرگەدا، بڕیارە وەزارەتی پێشمەرگە سەرجەم هێزەکانی سەربە یەکەی حەفتا و هەشتا لە 11 فیرقەی سەربازیدا کۆبکرێنەوە و دابەش بکرێن بەسەر دوو ناوچەی سەرکردایەتیدا.

 

خاڵە ئەرێنییەکان: پڕۆسەی یەکخستنەوەی هێزەکانی پێشمەرگە یەکێکە لە ئاڵنگارییەکانی بەردەم پڕۆسەی سیاسی لە هەرێمی کوردستان، لەگەڵ یەکخستنەوەی و کۆکردنەوەی ئەو هێزانە لەژێر چەتری وەزارەتی پێشمەرگە دەبێت خاڵێکی گرنگ و چاکسازی لە ئیدارەدانی حکومەتی هەرێمی کوردستان، ئێستا یەکگرتنەوەی لیوا هاوبەشەکان بەردەوامە و ژمارەیان گەیشتووەتە  28 لیوای هاوبەش.