لە هەولێر پشکنینی پزیشکی بۆ کەس و کاری شەهیدان و پێشمەرگە دەکرێت

ئاڤا نیوز

بەبۆنەی ساڵڕۆژی 1ـی شوبات، دەزگای نێودەوڵەتی پێشمەرگە بۆ کاری مرۆیی بە هەماهەنگی تاقیگەی پزیشکی میدلاین لە هەولێر، پشکنینی خۆڕایی بۆ کەس و کاری شەهیدان و پێشمەرگە و نەوەی ئەنفال و زیندانیانی سیاسی دەکات.

چیرۆکی سەرەکی: دەزگای نێودەوڵەتی پێشمەرگە بۆ کاری مرۆیی بە هەماهەنگی تاقیگەی پزیشکی میدلاین لە هەولێر شەقامی 40 مەتری بەرامبەر نەخۆشخانەی ڕزگاری، بە بۆنەی ساڵڕۆژی ١ـی شوبات، ئەمڕۆ هەموو پشکنینێک بە خۆرایی لە کاتژمێر 8:00ـی بەیانی تا 12:00ـی شەو تایبەت دەکات بۆ کەس و کاری سەربەرزی شەهیدان و پێشمەرگە قارەمانەکان و نەوەی ئەنفال و زیندانیانی سیاسی و کەمدەرامەت.

ڕاگەیێنراوی فەرمی: دەزگای نێودەوڵەتی پێشمەرگە بۆ کاری مرۆیی لە بڵاوکراوەیەک دەڵێت، جگە لە ئەمڕۆ  بۆ ماوەی شەش مانگ گشت پشکنینەکان 40% داشکاندن دەبێت.