کۆریای باکوور: ئەمریکا گەورەترین لایەنی سوودمەندی جەنگە لە جیهان

ئاڤا نیوز

 

کۆریای باکوور، واشنتن بە گەورەترین لایەنی سوودمەندی جەنگ لە جیهاندا ناودەبات، ئەمەش بەگوتەی کۆریای باکوور بەهۆی بازرگانیکردن بە چەک و تەقەمەنی و بەردەوامی هاوکارییە سەربازییەکانی واشنتنە بۆ هاوپەیمانەکانی.

 

بڵاوکراوەی فەرمی: ئاژانسی هەواڵی فەرمی کۆریای باکوور بڵاویکردەوە، ئەمریکا هاوکارییە سەربازییەکانی بۆ کۆریای باشوور زیاتر کردووە، ئەمەش وەک هەوڵێک بۆ تێکدانی هاوسەنگی هێز و زیاترکردنی هەژموونی خۆی لە ناوچەکەدا.

 

زانیاریی زیاتر: ئەم هەڵوێستەی کۆریای باکوور دوای ئەوە هات، ئەمریکا پێشنیازی فرۆشتنی چەکی زیاتری بە کۆریای باشوور کردووە کە پێکدێن لە فڕۆکەی بێ فڕۆکەوان و مووشەکی جەنگی.

 

ئەوەی پێشبینی دەکرێت: ناکۆکییەکانی نێوان ئەمریکا و کۆریای باکوور تا دێت زیاتر دەبن، ئەمەش دوای ئەوەی  کۆریای باکوور ڕایگەیاند، هەوڵ دەدات لەم ساڵدا پەرە بە پرسی چەکی ئەتۆمی لە وڵاتەکەی بدات. ئەمریکاش دەڵێت، دۆناڵد ترەمپ لەم خولەی سەرۆکایەتیدا هەوڵی داماڵینی چەکی ئەتۆمی لە کۆریای باکوور دەدات.