ئیلۆن مەسک دەست بەسەر خەزێنەی ئەمریکا دەگرێت

ئاڤا نیوز

دۆناڵد ترەمپ ئیلۆن مەسکی وەک بەرپرسی بەشی کارایی حکومەت بۆ بەدواداچوون بۆ خەرجییەکانی حکومەتی ئەمریکا دیاریکرد.

چیرۆکی سەرەکی: ئێستا دەسەڵاتەکانی ئیلۆن مەسک ملیاردێرە ئەمریکییەکە گەیشتووەتە دەستگەیشتن بە سیستمی خەرجی لە وەزارەتی گەنجینەی ئەمریکا، ئەمەش دوای هەفتەیەک مشتومڕ لەگەڵ سکۆت بێسێنت کە نەیدەویست ڕێگە بدات ئیلۆن ماسک مامەڵە بە خەرجییەکانی حکومەتی ئەمریکاوە بکات.

لێدوانی فەرمی: ئیلۆن مەسک ڕایگەیاند، کاری ئەوان نەهێشتنی ساختەکاری یان پارەدانی نایاساییە، ئاماژەی بەوەشکرد، پێشتر بەرپرسانی گەنجینە تەنیا فەرمانیان پێدەکرا بۆ خەرجکردنی پارە و پرسیاریشیان نەدەکرد ئەم پارانە لە چیدا خەرج دەکرێن.

زانیاری زیاتر: سکۆت بێسێنت وەزیری گەنجینەی ئەمریکا ڕۆژی هەینی واژۆی لەسەر ئەوەکرد کە تیمەکەی ئیلۆن مەسک دەسەڵاتی مامەڵەکردنیان بە سیستمی پارەدانی گەنجینەی ئەمریکا هەبێت و ئەرکیان ئەنجامدانی چاکسازییە لە حکومەتی ئەمریکا.

باکگراوند: سیستەمی پارەدانی گەنجینەی ئەمریکا ساڵانە زیاتر لە ٦ تریلیۆن دۆلار لە داهاتی ئەمریکا کۆنتڕۆڵ دەکات، ئەرکە گرنگەکانی وەک یارمەتییەکانی ئاسایشی کۆمەڵایەتی، گەڕاندنەوەی باج و مووچەی کارمەندانی فیدراڵی بەڕێوەدەبات.